أنا نعمان عبد الله، شاب من غزة.

أمارس الباركور والجري الحر، مش بين أبراج زجاجية أو شوارع راقية، بل فوق بيوت مهجورة، جدران مدمّرة، وحتى بين الأنقاض..

اللي بتشوفوه بفيديوهاتي مش عرض رياضي، بل هو صرخة صامتة من وسط الركام.. 

بمارسه لأحكي للعالم:

إحنا هون، تحت الحصار، وسط القصف..

لسّا بنحاول نعيش، نتحرك، ننجو، ونحلم.

اليوم بطلب منكم فرصة..

فرصة أكمّل فيها طريقي، أوصل صوتي، و أفتح أمل جديد لشباب خسروا كل شيء.. إلا الإصرار.

أنا ما عندي معدات، ولا أماكن آمنة أتدرّب فيها، ولا أي دعم يخليني أكمّل رسالتي.

بس عندي شغف، وعندي حلم، وعندي إيمان إنه الرياضة ممكن تكون وسيلة حياة وسط الركام.

ساعدوني أظل واقف، أظل أتحرك، وأظل أقدّم صورة مختلفة عن غزة.. صورة فيها إرادة، فيها أمل، وفيها شباب رغم الألم، بيكملوا.

كونوا سندي..