أنا بيبو جرادة من غزة… شب عمري في بداية العشرينات، وحياتي كلها كانت تحت ظل الحرب، طول عمري بسمع صوت القصف بدل أصوات الفرح، و بشوف الدمار بدل الشوارع المليانة حب وحياة.

كان عندي أحلام زي أي شاب… أتعلم، أشتغل، أعيش حياة كريمة مع عيلتي، لكن الحصار والحرب سرقوا مني ومننا كتير أشياء.

كل يوم في غزة بعيش الحصار مع أهلي.. أيام تمر علينا وإحنا جوعانين، المية ما بتكفي، واللقمة صارت حلم، وحتى الأشياء البسيطة صعب نأمّنها.. 

صرنا نبحث عن أكل، عن مية، عن مأوى يحمينا من البرد، عن أي لحظة أمان وسط كل هذا الخوف.

و رغم كل هالصعاب، لسه عايشين بالأمل… الأمل إنه نقدر بيوم نعيش بأمان وراحة ونكمل حياتنا الطبيعية زي باقي البشر.

واليوم حتى أقدر أصمد و أكون سند لأهلي وأحافظ على هالأمل، محتاج لدعمكم.

كل مساعدة بتوصل منكم، هي سند حقيقي وسط هالظلام..

بنتظر يد الخير اللي رح تخلّي حياتنا أفضل بعد معاناة.